गोकाक येथील तहसीलदार प्रकाश होलेप्पगोळ यांच्या घरात घरफोडी झाली आहे .

व्हॉइस ओव्हर : गोकाक येथिल तहसीलदार प्रकाश होलेप्पगोळ यांच्या घराला चोरटयांनी लक्ष्य केले आहे . निवडणूक ड्युटीच्या प्रशिक्षणासाठी ते गेले असता , घरी कोणी नसल्याचा फायदा चोरटयांनी उठवला आहे . घराच्या समोरच्या दरवाजाचा कडीकोयंडा कापून , चोरटयांनी घरात प्रवेश केला . आणि तिजोरी फोडून आतील , 25 तोळे सोने आणि 20 तोळे सोन्याचे दागिने तसेच चार हजार रुपयांची रोकड लांबवली आहे . रात्री 12 वाजण्याच्या सुमारास चोरटयांनी या घरातील तिजोरीवर हात साफ केला आहे .

तहसीलदार प्रकाश होलेप्पगोळ हे सार्वजनिक बांधकाम विभागाच्या वसतिगृहात राहत आहेत . घटनास्थळी पोलिसांनी श्वान पथकासह भेट देऊन , चोरांचा माग काढण्याचा प्रयत्न केला .