‘एसआयआर’ प्रक्रियेचा तीव्र विरोध करत विजापूर शहरात विविध संघटनांच्या नेतृत्वाखाली एक भव्य प्रतिभटना मोर्चा काढण्यात आला. शहरातील श्री सिद्धेश्वर मंदिरापासून सुरू झालेला हा मोर्चा डॉ. बाबासाहेब आंबेडकर चौकापर्यंत नेण्यात आला.

प्रजासत्ताक आणि लोकशाही रक्षणाच्या चळवळीचा भाग म्हणून आयोजित या मोर्चानिमित्त शेकडो कार्यकर्ते व पदाधिकारी एकत्र आले होते.

यादरम्यान मुख्य निवडणूक आयुक्त ज्ञानेश कुमार यांना त्यांच्या पदावरून बडतर्फ करण्यात यावे आणि ‘एसआयआर’ प्रक्रिया पूर्णपणे रद्द करावी, अशी जोरदार मागणी आंदोलकांकडून करण्यात आली.