कागवाड तालुक्यातील उगार येथील रहिवासी वसंत सिद्धू बागडी (वय ६५) हे गुरुवारपासून बेपत्ता झाले आहेत.

गुरुवारी, २२ तारखेला दुपारी उगार रेल्वे स्थानकावरून मुगुळ येथील घरी जाऊन येतो असे सांगून घरातून बाहेर पडलेली सदरी व्यक्ती अद्याप परतली नाही.

याप्रकरणी त्यांचा मुलगा रमेश बागडी याने कागवाड पोलीस ठाण्यात तक्रार दाखल केली आहे. या व्यक्तीबाबत काही माहिती मिळाल्यास नागरिकांनी तात्काळ कागवाड पोलिसांशी संपर्क साधावा, असे आवाहन पोलीस उपनिरीक्षक (पीएसआय) राघवेंद्र खोत यांनी केले आहे.