कागवाड तालुक्यातील शेडबाळ येथील श्री भगवान महावीर जैन मंदिरात पवित्र नवरात्रोत्सवानिमित्त श्री पद्मावती देवीचा विशेष पूजा सोहळा अत्यंत भक्तिमय वातावरणात पार पडला.

या उत्सवा दरम्यान श्री पद्मावती देवीला फळ-फुलांच्या माध्यमातून आकर्षक आरास करण्यात आली होती. तसेच नवरात्रोत्सवाच्या काळात अनेक धार्मिक विधी देखील पार पडले.

जैन मंदिराचे प्रमुख अतिक्रांत पाटील आणि सुनील पाटील-गौडर यांच्या मार्गदर्शनाखाली हा संपूर्ण उत्सव पार पडला. मंदिराचे पुजारी सन्मती उपाध्ये आणि कुमार अलगौडर यांच्या उपस्थितीत धार्मिक विधी संपन्न झाले.

शेडबाळ शहरातील सर्व उपासकांनी या कार्यक्रमांत अत्यंत भक्तीभावाने सहभाग घेतला.