जीवनात यश संपादन करण्यासाठी शिस्त, श्रद्धा आणि सातत्यपूर्ण परिश्रमांची अत्यंत महत्त्वाची भूमिका असते, असे प्रतिपादन डॉ. सरजू काटकर यांनी केले.

बेळगाव जिल्हा लेखिका संघातर्फे शहरातील मध्यवर्ती ग्रंथालयात आयोजित कार्यक्रमात ते बोलत होते.

कार्यक्रमात विविध उपक्रमांतर्गत कन्नड पुस्तकाचे प्रकाशन करण्यात आले. यावेळी डॉ. सरजू काटकर यांनी आव्हानांना धैर्याने सामोरे जाण्याचा व सतत शिकण्याची वृत्ती बाळगण्याचा सल्ला दिला. याप्रसंगी डॉ. काटकर यांचा विशेष सत्कार करण्यात आला, तसेच सदस्यांसाठी काव्यपरीक्षण स्पर्धा पार पडली. राजनंदा घारगी यांच्या अध्यक्षतेखाली झालेल्या या सोहळ्याला डॉ. भारती मठद, अन्नपूर्णा अगडी, सुमित्रा मल्लापूर उपस्थित होत्या. विद्या हुंडेकर यांनी स्वागत, तर महादेवी अज्जानावर यांनी पाहुण्यांचा परिचय करून दिला. डॉ. निर्मला बट्टल, सर्वमंगला अरळीमट्टी, आशा यमकनमर्डी व आशा समसुद्दी यांनी काव्यवाचन व गायन केले.