हुबळी येथे पोलीस ठाण्याजवळच क्षुल्लक कारणावरून एकावर चाकूने वार करून खून करण्यात आला. किम्स रुग्णालयात उपचार सुरु असताना जखमी युवकाचा मृत्यू झाला.

जुन्या हुबळी येथील दुर्गदबैल सर्कलजवळ संतोष मुरगोड नामक युवकावर शिवा नामक आरोपीने पोटात चाकूने भोसकल्याने संतोष मुरागोड हा गंभीर जखमी झाला होता. त्याला उपचारांसाठी हुबळी येथील किम्स रुग्णालयात दाखल करण्यात आले, मात्र तेथे त्याचा उपचारादरम्यान मृत्यू झाला.
खून करून फरार असलेल्या शिवा नावाच्या आरोपीला जेरबंद करण्यात कसबापेठ पोलिसांना यश आले आहे. खुनाचे नेमके कारण पोलीस तपासताच स्पष्ट होणार आहे. याप्रकरणी कसबापेठ पोलिस ठाण्यात गुन्हा दाखल करण्यात आला आहे.