Dharwad

अनुदानित शाळांच्या शिक्षकांचे आंदोलन तात्पुरते स्थगित

Share

धारवाडमध्ये विविध मागण्यांसाठी सुरू असलेले अनुदानित शाळांच्या शिक्षकांचे आंदोलन तिसऱ्या दिवशी तात्पुरते स्थगित करण्यात आले. मुख्यमंत्री आणि शिक्षणमंत्र्यांनी 26 नोव्हेंबरला बैठक बोलावल्याने हा निर्णय घेतल्याची माहिती विधान परिषदेचे माजी सभापती बसवराज होरट्टी यांनी दिली.

धारवाड जिल्हाधिकारी कार्यालयासमोर शेकडो शिक्षकांनी आंदोलनात सहभाग घेतला. मुख्यमंत्री आणि शिक्षणमंत्र्यांनी चर्चा करण्याची तयारी दर्शविल्याने आंदोलन तात्पुरते स्थगित केले आहे. 26 नोव्हेंबरच्या बैठकीनंतर 27 आणि 28 नोव्हेंबरला शिक्षकांची बैठक घेण्यात येईल. मागण्यांबाबत सरकारने समाधानकारक निर्णय न घेतल्यास 28 नोव्हेंबरला पुढील आंदोलनाची दिशा ठरविण्यात येईल, असे बसवराज होरट्टी यांनी सांगितले.

शिक्षकांच्या सर्व मागण्या मान्य होण्याऐवजी समाधानकारक तोडगा निघणे अपेक्षित असल्याचे त्यांनी स्पष्ट केले. आगामी अधिवेशनातही आमदारांशी चर्चा करून पुढील निर्णय घेतला जाईल, असे त्यांनी सांगितले.

आशा कार्यकर्त्यांच्या आंदोलनाबाबत बोलताना, आंदोलनस्थळी महिलांना मूलभूत सुविधांचा अभाव असल्याचे त्यांनी नमूद केले. सरकारने त्यांच्या मागण्यांकडे लक्ष देऊन योग्य तोडगा काढावा, अशी मागणी बसवराज होरट्टी यांनी केली.

Tags: