निपाणी येथे आज बेडजंगम समाजातर्फे आरक्षणाच्या मागणीसाठी आंदोलन करण्यात आले.

बेडजंगम समाजाला आरक्षण देण्याच्या केंद्र सरकारच्या आदेशाचे राज्य सरकार उल्लंघन करून आमच्यावर अन्याय करत आहे. आमचे आरक्षण कायम ठेवावे, बेडजंगम समाजाचा अनुसूचित जातीमध्ये समावेश करावा आदी मागण्या यावेळी करण्यात आल्या. आम्हाला देण्यात आलेल्या मदतीच्या सुविधा योग्य पद्धतीने देण्यात याव्यात आणि आमच्या मागण्या लवकरात लवकर पूर्ण कराव्यात अन्यथा येत्या काही दिवसांत तीव्र संघर्ष छेडण्यात येईल असा इशारा यावेळी देण्यात आला. निदर्शनानंतर निपाणी तहसीलदारांच्या माध्यमातून राज्य सरकारला मागण्यांचे निवेदन देण्यात आले.

यावेळी राजशेखर हिरेमठ, बाळासाहेब हिरेमठ, चंद्रशेखर ननदीमठ, अजित स्वामी, अरविंद हिरेमठ, बाळय्या स्वामी, सदाशिव स्वामी यांच्यासह अनेक नेते उपस्थित होते.