अथणी येथे आयोजित जिल्हास्तरीय सहकार सप्ताहाच्या कार्यक्रमाला पालकमंत्री सतीश जारकीहोळी अनुपस्थित राहिले. मात्र, माजी खासदार आणि डीसीसी बँकेचे संचालक रमेश कत्ती उपस्थित राहिल्याने राजकीय वर्तुळात चर्चेला सुरुवात झाली आहे.

अथणी येथील कृष्णा सहकारी साखर कारखान्याच्या परिसरातील शेतकरी भवनात सोमवारी ७३ व्या जिल्हास्तरीय सहकार सप्ताहाचे आयोजन करण्यात आले होते. यावेळी सहकारी संस्थांच्या सहाय्यक निबंधक कार्यालयाच्या नामफलकाचे उद्घाटनही करण्यात आले. पालकमंत्री सतीश जारकीहोळी सोमवारी बेळगावमध्येच होते. त्यांनी जिल्हाधिकारी कार्यालयात बैठकही घेतली; मात्र अथणीतील कार्यक्रमाला उपस्थिती लावली नाही.


कार्यक्रमात बोलताना सहकारमंत्री लक्ष्मण सवदी यांनी शेतकऱ्यांच्या प्रश्नांवर भूमिका मांडली. शेतकऱ्यांना बिनव्याजी कर्ज देण्यात गैर काय, असा सवाल करत त्यांनी राज्यातील सर्व २१ डीसीसी बँकांमधील शेतकऱ्यांचे कर्ज माफ करण्याची मागणी केली. तसेच शेतमालाला कमी दर मिळण्याची समस्या दूर करून शेतकऱ्यांना योग्य मोबदला देण्याची मागणीही त्यांनी केली.

या कार्यक्रमाला माजी खासदार आणि डीसीसी बँकेचे संचालक रमेश कत्ती उपस्थित होते. सहकारमंत्र्यांच्या मतदारसंघातील कार्यक्रमाला पालकमंत्री अनुपस्थित राहिल्याने त्यांच्या अनुपस्थितीची राजकीय वर्तुळात चर्चा सुरू झाली आहे.



Recent Comments