मुद्देबिहाळ तालुका केवळ ‘साधारण दुष्काळग्रस्त’ म्हणून घोषित केल्याबद्दल भाजप शेतकरी मोर्चाचे प्रदेशाध्यक्ष व माजी आमदार ए. एस. पाटील नडहळ्ळी यांनी राज्य सरकारवर तीव्र निशाणा साधला आहे.

मुद्देबिहाळ येथे आयोजित पत्रकार परिषदेत बोलताना नडहळ्ळी यांनी प्रशासकीय अहवालावर जोरदार आक्षेप घेतला. मातीतील ओलावा आणि पिकांच्या प्रत्यक्षात झालेल्या नुकसानीचा विचार करता, सरकारने लावलेला साधारण दुष्काळाचा निकष शेतकऱ्यांवर अन्याय करणारा आहे. स्थानिक आमदार शेतकऱ्यांचे प्रश्न मांडण्यात अपयशी ठरल्यानेच तालुक्यावर ही वेळ आली आहे, असा थेट हल्लाबोल त्यांनी केला.

तालुक्यातील पिकांच्या नुकसानीचे तातडीने फेरसर्वेक्षण करून मुद्देबिहाळ तालुका ‘गंभीर दुष्काळग्रस्त’ म्हणून घोषित करण्यात यावा, असे ए. एस. पाटील नडहळ्ळी यांनी म्हटले.