ऊसदराच्या मागणीसाठी सुरू असलेल्या शेतकरी आंदोलनादरम्यान विजापूरच्या शेतकरी नेत्यांनी शशिकांत गुरूजींची भेट घेऊन त्यांच्या प्रकृतीची विचारपूस केली. यावेळी गुरूजींनी गुर्लापूरचा ऊसदर राज्यातील सर्व साखर कारखान्यांनी लागू करावा, अन्यथा कारखान्यांना टाळे ठोकण्याचा इशारा दिला.

शांतगौडा पाटील नडहळ्ळी यांच्या नेतृत्वाखाली शेतकरी नेत्यांनी काल रात्री शशिकांत गुरूजींची भेट घेतली. यावेळी गुरूजींनी गुर्लापूर येथे निश्चित करण्यात आलेला ऊसदर राज्यातील सर्व साखर कारखानदारांनी लागू करावा, असा संदेश दिला. सर्व कारखान्यांनी ऊस उत्पादकांना गुर्लापूरमध्ये निश्चित केलेलाच दर द्यावा, अन्यथा संबंधित कारखान्यांना टाळे ठोकण्याचे आंदोलन छेडले जाईल, असा ठाम इशारा त्यांनी दिला.

ऊस उत्पादक शेतकऱ्यांच्या हितासाठी आंदोलन अधिक तीव्र करण्याचे आवाहनही गुरूजींनी केले. विजापूरच्या शेतकरी नेत्यांनी घेतलेल्या या भेटीला ऊसदर आंदोलनाच्या पुढील वाटचालीच्या दृष्टीने महत्त्व प्राप्त झाले आहे.