शेतात बैल शिरल्याच्या क्षुल्लक कारणावरून हुक्केरी तालुक्यातील अरळीकट्टी येथे एका तरुणावर कुऱ्हाडीने हल्ला करण्यात आल्याची घटना घडली आहे.

कापसाच्या शेतात बैल शिरून पिकाचे नुकसान केल्याच्या रागातून सिद्दप्पा पाटील आणि इतरांनी प्रभू पाटील यांच्याशी वाद घातला.

या वादाचे पर्यवसान हिंसाचारात होऊन प्रभू पाटील यांच्या डोक्यावर कुऱ्हाड आणि काठ्यांनी वार करण्यात आले. गंभीर जखमी झालेल्या प्रभू पाटील यांना उपचारासाठी बेळगावच्या ‘बीआयएमएस’ रुग्णालयात दाखल करण्यात आले आहे.

घटनेची माहिती मिळताच पोलिसांनी घटनास्थळी भेट देऊन पाहणी केली असून याप्रकरणी यमकनमर्डी पोलीस ठाण्यात गुन्हा दाखल करण्यात आला आहे.