महाराष्ट्रातील कोकण परिसरात मुसळधार पाऊस पडत असल्याने , कृष्णा नदी दुथडी भरून वाहत आहे. नदीतील पाण्याची पातळी वाढली आहे, राजापूर बंधाऱ्यातून १.६० लाख क्युसेक पाणी नदीत वाहत आहे, त्याचप्रमाणे आलमट्टी धरणातून पाणी सोडण्यात येत आहे, नदीतील पाणीअटाळी दोन फुटांनी वाढले आहे,अशी माहिती कागवडचे तहसीलदार राजेश बुर्ली यांनी दिली.

बुधवारी त्यांनी मूळवाड आणि कुसनाळ या गावांना भेट देऊन कृष्णा नदीच्या पाण्याची स्थिती जाणून घेतली आणि तेथील जनतेच्या समस्यांची माहिती दिली.

पाण्याची पातळी वाढल्यास, उगार-कुसनाळ गावांच्या मध्यभागी नदीचे पाणी जमा झाल्यास, माननीय जिल्हाधिकाऱ्यांच्या आदेशानुसार कुसनाळ गावाजवळील महालक्ष्मी मंदिरापासून शिरगुप्पी गावाच्या काठापर्यंत सुरक्षितपणे वाहतूक करण्याचा रस्ता स्वच्छ करण्यात आला आहे आणि सर्व लोकांना ये-जा करता यावी यासाठी कामे करण्यात आली आहेत. असे तहसीलदार राजेश बुर्ली यांनी सांगितले.

नदीच्या पाण्याची पातळी वाढत असून यापुढेही महाराष्ट्रात पावसाचे प्रमाण असेच सुरू राहणार आहे, सर्वांनी सुरक्षित राहावे . पिण्याचे पाणी गरम करून प्यावे, असा सल्ला त्यांनी सर्व जनतेला दिला.

त्यांच्यासमवेत तालुका पंचायत कार्यकारी अधिकारी वीरण्णा वाली, सीडीपीओ संजीवकुमार सदलगे, कूसनाळ ग्रामपंचायत अध्यक्ष अशोक नांदणी , सदस्य चिदानंद अथणी, शुभाष अथणी, महादेव अथणी, प्रशांत पाटील, रवी कोटनिस, मारुती कोकणे, संतोष गुणे, राहुल अथणी, आदी उपस्थित होते.