अथणी जिल्ह्याच्या मागणीसाठी गेल्या एक दशकापासून संघर्ष सुरु आहे. जिल्हा घोषणेच्या मागणीसाठी उद्या 11 डिसेंबर रोजी भव्य अथणी जिल्हा संघर्ष यात्रा काढून आंदोलन करण्यात येणार आहे, अशी माहिती अथणी जिल्हा संघर्ष समितीचे अध्यक्ष प्रशांत तोडकर यांनी दिली.

अथणी येथे पत्रकार परिषदेत बोलताना, तालुक्यातील सर्व धर्माचे धर्मगुरू, मान्यवर, सर्व नागरिक, व्यापारी, संघटनांचे नेते यांनी निषेध मोर्चात मोठ्या संख्येने सहभागी होऊन अथणी जिल्हा संघर्ष यात्रा यशस्वी करावी, अशी विनंती अथणी जिल्हा संघर्ष समितीचे अध्यक्ष प्रशांत तोडकर यांनी केली.

प्रशांत तोडकर पुढे म्हणाले की, अथणी जिल्ह्याची मागणी हा आपला हक्क असून जिल्ह्यासाठी सुरू असलेल्या लढ्यात सहभागी होऊन एकजूट दाखवणे ही आमची बांधिलकी आहे. जनतेने मोठ्या संख्येने या आंदोलनात सहभागी होऊन अथणी जिल्ह्याच्या लढ्याला पाठिंबा द्यावा, असे आवाहन त्यांनी केले.

पत्रकार परिषदेत अथणी जिल्हा संघर्ष समितीचे पदाधिकारी उपस्थित होते.