चिक्कोडीजवळील मलिकवाड येथे दूधगंगा नदीकाठी बसवलेल्या १८ विजेच्या मोटरच्या केबल्स अज्ञातांनी चोरून नेल्याची घटना घडली आहे.

शेतात पाणी देण्यासाठी शेतकऱ्यांनी बसवलेल्या मोटरच्या महागड्या केबल्स चोरांनी कापून नेल्या. सकाळी शेतात पाणी देण्यासाठी गेले असता हा प्रकार उघडकीस आला.

रात्रीच्या वेळी राखण नसल्याचा गैरफायदा घेत चोरांनी हे कृत्य केले आहे. यामुळे पिकांना पाणी देणे अशक्य झाले असून शेतकऱ्यांना आर्थिक फटका बसला आहे.

पोलीस प्रशासनाने तत्काळ आरोपींचा शोध घेऊन त्यांना अटक करावी आणि चोरीला गेलेला मुद्देमाल परत मिळवून द्यावा, अशी मागणी स्थानिक शेतकऱ्यांनी केली आहे.

सदर घटना सदलगा पोलीस ठाण्याच्या हद्दीत घडली असून पोलीस या प्रकरणाचा तपास करत आहेत.