खानापूर तालुक्यातील नंदगड पोलीस ठाण्याच्या आवारात आगामी गणेशोत्सवाच्या पार्श्वभूमीवर शांतता समितीची बैठक पार पडली. कायद्याच्या चौकटीत राहून उत्सव अत्यंत सौहार्दाने आणि भक्तिभावाने साजरा करण्याचे कडक निर्देश स्थानिक पोलीस अधिकाऱ्यांनी ग्रामस्थांना दिले.

नंदगड पोलीस ठाण्यात आयोजित शांतता सभेत बोलताना पीआय रविकुमार धर्मट्टी यांनी वरिष्ठ अधिकाऱ्यांच्या सूचनेनुसार यापूर्वीच गंदीगवाड, हळशी, बीडी आणि मंगेनकोप्प येथे शांतता बैठका घेतल्याचे सांगितले. सार्वजनिक गणेशोत्सव मंडळाचे पदाधिकारी आणि ज्येष्ठांनी कायदेशीर नियमांचे काटेकोर पालन करून इतरांना कोणताही त्रास होणार नाही याची दक्षता घ्यावी असे आवाहन त्यांनी केले.

वीज जोडणी आणि ग्रामपंचायतीची अधिकृत परवानगी घेणे बंधनकारक असून मंडप व्यवस्थेपासून ते गणेशमूर्ती विसर्जनापर्यंत सर्व टप्प्यांवर नियमांचे पालन केले पाहिजे. नागरिकांनी कोणत्याही बेकायदेशीर कृत्य होणार नाही याची दक्षता घेऊन सर्वांशी सौजन्याने वागावे आणि शांततेचा संदेश द्यावा असे आवाहन पीआय रविकुमार धर्मट्टी यांनी नंदगडसह परिसरातील ग्रामस्थांना केले. या बैठकीला गावातील ज्येष्ठ आणि मान्यवर उपस्थित होते.