गोव्यातून बेकायदेशीरपणे दारूची वाहतूक करणाऱ्या एका व्यक्तीवर राज्य उत्पादन शुल्क विभागाच्या अधिकाऱ्यांनी धाड टाकून ढाबा मालकाला अटक केली आहे.

धारवाड येथील जयजिनेंद्र कॉलनीतील रहिवासी आणि ढाबा व्यावसायिक रेवणसा परशुराम कठारे हा गोव्यातून महागड्या ब्रँडच्या दारूच्या बाटल्या पहाटे २.२० च्या सुमारास कोणताही परवाना नसताना बेकायदेशीरपणे वाहतूक करत होता. १५२.३८० लिटर गोव्याच्या दारूची वाहतूक होत असल्याची गुप्त माहिती मिळताच उत्पादन शुल्क अधिकाऱ्यांनी धाड टाकून कार आणि दुचाकी जप्त केली. कारवाईदरम्यान गोव्याची दारू, मोबाईल फोन आणि दोन वाहनांसह एकूण १७,००,६१५ रुपयांचा मुद्देमाल जप्त करून संशयिताविरुद्ध गुन्हा दाखल करत त्याला अटक करण्यात आली आहे.

धारवाड जिल्ह्याचे उत्पादन शुल्क उपआयुक्त आणि हुबळी उपविभागाच्या उपअधिक्षकांच्या मार्गदर्शनाखाली अधिकारी विश्वनाथ एस. माविनकट्टी, उपनिरीक्षक नागनागौडा पाटील, मच्छेंद्र रोडकर, अशोक सफारे आणि शिवानंद सुणगार यांनी ही कारवाई केली.