धारवाडजवळील रायपूर येथे नव्याने बांधण्यात आलेले ‘श्री श्री राधा गोविंद देवजी इस्कॉन मंदिर’ आगामी १० ऑगस्टपासून सर्वसामान्यांच्या दर्शनासाठी खुले केले जाणार आहे.

धारवाड येथील इस्कॉनच्या भव्य ‘श्री श्री राधा गोविंद देवजी मंदिरा’त १८ जून २०२६ पासून वैदिक विधींना सुरुवात होणार असून, २२ जून रोजी मुख्य प्राणप्रतिष्ठा सोहळा पार पडणार आहे; त्यानंतर शास्त्रोक्त पद्धतीनुसार २३ जून ते ९ ऑगस्ट दरम्यान ४८ दिवसांची विशेष ‘मंडल पूजा’ केली जाईल. या विधींमुळे १८ जून ते ९ ऑगस्ट या काळात मंदिर सर्वसामान्यांसाठी पूर्णपणे बंद राहणार असून, १० ऑगस्ट २०२६ पासून हे भव्य मंदिर अधिकृतपणे भाविकांसाठी दर्शनासाठी खुले केले जाईल, अशी माहिती इस्कॉनचे अध्यक्ष श्री राजीव लोचन दास यांनी दिली.

या मंदिराच्या वैशिष्ट्यांबद्दल माहिती देताना त्यांनी सांगितले की, हे मंदिर हुबळी-धारवाड रस्त्यापासून सुमारे ११० फूट उंचीवर आहे. मंदिराच्या ९० फूट भव्य गोपुत्राचे काम पूर्ण झाल्यानंतर, रस्त्याच्या पातळीपासून या मंदिराची एकूण उंची सुमारे २०० फूट होईल. हे मंदिर उत्तर कर्नाटकातील एक प्रमुख आध्यात्मिक आणि सांस्कृतिक केंद्र म्हणून नावारूपास येईल, असे राजीव लोचन दास यांनी स्पष्ट केले.