एआयसीसी अध्यक्ष मल्लिकार्जुन खर्गे यांची राज्यसभेवर बिनविरोध निवड झाली असून आज त्यांनी विधानसौध येथे अधिकृत विजयी प्रमाणपत्र स्वीकारले. निवडणूक अधिकारी विशाला यांनी खर्गे यांच्याकडे हे प्रमाणपत्र सुपूर्द केले.

प्रमाणपत्र स्वीकारल्यानंतर प्रसारमाध्यमांशी बोलताना काँग्रेस पक्षाने इंदिरा गांधी यांच्यापासून ते सोनिया गांधी यांच्या कार्यकाळापर्यंत सतत देशसेवा करण्याची संधी दिली, अशी प्रतिक्रिया मल्लिकार्जुन खर्गे यांनी दिली. काँग्रेस पक्षाच्या तत्त्वांवर मार्गक्रमण करत असून या यशासाठी जनता आणि हायकमांडचे ऋणी असल्याचे खर्गे यांनी म्हटले.

या प्रसंगी कर्नाटक सरकारमधील मंत्री शरण प्रकाश पाटील, ईश्वर खंड्रे, आमदार नागराज एम. यांच्यासह काँग्रेस पक्षाचे अनेक ज्येष्ठ नेते, पदाधिकारी आणि कार्यकर्ते मोठ्या संख्येने उपस्थित होते.