विधानपरिषद सदस्य प्रकाश हुक्केरी यांची कर्नाटक सरकारचे नूतन दिल्लीतील अधिकृत विशेष प्रतिनिधी म्हणून नियुक्ती करण्यात आली आहे.

राज्य सरकारने यासंदर्भात अधिकृत आदेश जारी केला असून, हुक्केरी यांनी दुसऱ्यांदा ही धुरा सांभाळणे त्यांच्या प्रदीर्घ राजकीय अनुभव आणि प्रशासकीय कार्यक्षमतेचा गौरव मानला जात आहे.

केंद्र आणि राज्य सरकारमध्ये समन्वय साधण्याचे काम प्रकाश हुक्केरी करणार आहेत. नवी दिल्लीत कर्नाटकच्या हितसंबंधांचे रक्षण करणे, तसेच केंद्र सरकारच्या विविध योजना आणि निधी राज्याला वेळेवर उपलब्ध करून देण्यामध्ये ते एक महत्त्वाचा दुवा म्हणून काम पाहणार आहेत.