विजापूरमध्ये आमदार बसनगौडा पाटील यत्नाळ यांनी शाळा सुरू होताच विद्यार्थ्यांना भगवी शाल वाटप करणार असल्याचे जाहीर केले आहे. तसेच हजेरीच्या वेळी विद्यार्थ्यांनी ‘जय श्रीराम’ म्हणावे, असे आवाहन त्यांनी केले आहे.

विजापूरमध्ये आमदार बसनगौडा पाटील यत्नाळ यांनी शाळा सुरू होताच विद्यार्थ्यांना भगवी शाल वाटप करणार असल्याचे सांगितले. हिजाब आणि भगव्या शालीच्या वादावर बोलताना, भगवी शाल घालण्यावर बंदी घालण्याचा अधिकार कोणाला आहे, असा सवाल करत यत्नाळ यांनी पालकांना आपल्या मुलांना टिळा लावून आणि भगवी शाल देऊन शाळेत पाठवण्याचे आवाहन केले.

शाळेत हजेरीच्या वेळी विद्यार्थ्यांनी ‘यस सर’ म्हणण्याऐवजी ‘जय श्रीराम’ म्हणावे, तसेच शिक्षकांना नमस्कार करताना ‘जय श्रीराम’ म्हणण्याची नवी पद्धत सुरू करावी, असे आमदार बसनगौडा पाटील यत्नाळ यांनी म्हटले.

इंधन दरवाढीवरून काँग्रेसकडून होत असलेल्या टीकेला उत्तर देताना यत्नाळ यांनी, आंतरराष्ट्रीय युद्धामुळे किंमती वाढणे अपरिहार्य असल्याचे सांगत या दरवाढीचे समर्थन केले. काँग्रेस नेत्यांमध्ये हिंमत असेल तर त्यांनी इंधनावरील कर कमी करून दाखवावा, असे आव्हान देत काँग्रेसला या विषयावर बोलण्याचा कोणताही नैतिक अधिकार नसल्याची टीका आमदार बसनगौडा पाटील यत्नाळ यांनी केली.