विजापूरमध्ये ‘मे साहित्य परिवारा’तर्फे आयोजित करण्यात आलेला पुस्तक मेळावा अत्यंत यशस्वी झाला असून यात पाच लाख रुपयांहून अधिकची उलाढाल झाली आहे.

मे साहित्य परिवाराचे अनिल होसमनी यांनी विजापूरमध्ये आयोजित पत्रकार परिषदेत माहिती देताना सांगितले की, महापुरुषांच्या विचारांचा समतावादी समाज घडवण्यासाठी आणि तरुणांना सोशल मीडियातून बाहेर काढून पुस्तकांकडे वळवण्यासाठी या मेळाव्याचे आयोजन करण्यात आले होते. विजापूरमध्ये पुस्तकांना प्रतिसाद मिळणार नाही, हा प्रकाशकांचा समज वाचकांनी मोडीत काढला असून ३५ संस्थांच्या पुस्तकांची झालेली विक्री हे जनमानसातील वाचनप्रेमाचे प्रतीक असल्याची भावना अनिल होसमनी यांनी व्यक्त केली.

या पत्रकार परिषदेला मे साहित्य परिवाराचे प्रमुख चेन्नू कट्टीमनी, लायप्पा इंगळे, वाय.एस. गुणकी, सायबण्णा हळ्ळी, सोमलिंग रणदेवी आणि लिंगराज उपस्थित होते.