खानापूर शहरात तरुण नेते आणि उद्योजक अलीम अख्तर नाईक यांच्या वतीने पवित्र रमजान महिन्याच्या निमित्ताने इफ्तार पार्टीचे आयोजन करण्यात आले होते.

रॉयल किचनचे मालक अलीम अख्तर नाईक यांनी ‘विविधतेत एकता’ हा संदेश देण्यासाठी या स्नेहमेळाव्याचे आयोजन केले होते. रमजानच्या पवित्र महिन्यात हिंदू-मुस्लिम बांधवांना एकत्र आणून त्यांनी संपूर्ण खानापूर तालुक्यात सामाजिक सलोखा आणि एकात्मतेचा आदर्श घालून दिला आहे.

या इफ्तार पार्टीमध्ये विविध धर्मांचे प्रमुख नेते, प्रतिष्ठित नागरिक आणि ग्रामस्थ मोठ्या संख्येने उपस्थित होते. सर्वांनी मिळून इफ्तारचा आनंद घेत एकमेकांना रमजानच्या शुभेच्छा दिल्या. या कार्यक्रमात खानापूर तालुक्यातील हिंदू आणि मुस्लिम बांधव मोठ्या संख्येने सहभागी झाले होते.