खानपूर तालुक्यातील ऐतिहासिक नंदगड येथील श्री मठाचे उत्तराधिकारी पूज्य श्री चन्नवीर देव यांनी मठाच्या आवारात गोशाळा निर्माण करण्यासाठी आणि इतर विकासकामांसाठी बेळगावचे जिल्हाधिकारी मोहम्मद रोशन यांना निवेदन दिले.

ऐतिहासिक पार्श्वभूमी असलेल्या नंदगड येथील श्री मठात गोशाळेची निर्मिती करण्यासोबतच तिथे भाविकांसाठी विविध सोयीसुविधा उपलब्ध करून देण्याचा मानस चन्नवीर देव यांनी व्यक्त केला आहे. या प्रस्तावावर गांभीर्याने विचार करून जिल्हाधिकाऱ्यांनी आवश्यक सहकार्य करावे, अशी विनंती त्यांनी केली.

याप्रसंगी श्री चन्नवीरेश्वर यात्रा महोत्सवाचे अध्यक्ष महंतश वाली, मोरेश्वर मुनवळ्ळी, प्रकाश गुडी, रवी काडगी, अप्पय्या कोडोळी, राजू जोडांगी यांच्यासह मठाच्या असंख्य भक्तांनी जिल्हाधिकारी मोहम्मद रोशन यांचा सत्कार केला.

मठाच्या वतीने सादर करण्यात आलेल्या विकासकामांच्या प्रस्तावावर येत्या काळात सकारात्मक विचार करून योग्य पावले उचलली जातील, अशी ग्वाही मोहम्मद रोशन यांनी दिली.