हुक्केरी शहरात ३१ जानेवारी रोजी भव्य हिंदू समावेश आणि शोभायात्रेचे आयोजन करण्यात आले आहे, अशी माहिती युवा उद्योजक पृथ्वी कत्ती यांनी दिली.

हुक्केरी येथील पार्ड बँकेच्या सभागृहात आयोजित पत्रकार परिषदेत ते बोलत होते. ३१ जानेवारी रोजी दुपारी २ वाजता अडवी सिद्धेश्वर मठ परिसरातून या विराट शोभायात्रेला सुरुवात होईल. ही यात्रा नवीन बसस्थानक मार्गे विश्वराज भवन येथे पोहोचेल. त्यानंतर सायंकाळी ४ वाजता सांस्कृतिक कार्यक्रम आणि युवा भारत राज्य प्रमुख शरणेगौडा यांच्या नेतृत्वाखाली हिंदू समावेश पार पडणार आहे.

या सोहळ्यात हुक्केरी आणि यमकनमर्डी मतदारसंघातील हिंदूंनी मोठ्या संख्येने सहभागी होऊन हा कार्यक्रम यशस्वी करावा, असे आवाहन पृथ्वी कत्ती यांनी केले आहे. या पत्रकार परिषदेला विद्युत सहकारी संघाचे अध्यक्ष महावीर निलजगी, गुरुराज कुलकर्णी, सत्तेप्पा नाईक, राजू मुन्नोळी आणि इतर पदाधिकारी उपस्थित होते.