धारवाडमधील केलगेरी भागात असलेल्या एका सुपर मार्केटमध्ये ग्राहकाच्या वेशात आलेल्या एका चाणाक्ष महिलेने तुपाचे पॅकेट चोरून नेले. या महिलेचे हे कृत्य मार्केटमधील सीसीटीव्ही कॅमेऱ्यात कैद झाले आहे.

ही महिला ग्राहक असल्याचा आव आणत मार्केटमध्ये आली आणि तिने बास्केट घेऊन आत प्रवेश केला. तिने तुपाचे पॅकेट बास्केटमध्ये ठेवले आणि नंतर आजूबाजूला कोणी पाहत नाहीये हे पाहून ते पॅकेट आपल्या कपड्यांमध्ये लपवले. या चाणाक्ष महिलेने केलेली ही हातचलाखी सीसीटीव्ही कॅमेऱ्यात स्पष्टपणे कैद झाली आहे.

या प्रकरणी सुपर मार्केटच्या मालकांनी पोलिसांत तक्रार दाखल केली असून, पोलीस सीसीटीव्ही फुटेजच्या आधारे महिलेचा शोध घेत आहेत.