केंद्रीय युवा सबलीकरण मंत्रालयातर्फे दिला जाणारा देशातील एक अत्यंत प्रतिष्ठित पुरस्कार, म्हणजेच मेघा भारत राष्ट्रीय सेवा योजना राष्ट्रपती पुरस्कार ) यंदा धारवाडचे युवा विचारवंत संजयकुमार बिराजदार यांना जाहीर झाला आहे. या निवडीमुळे संजयकुमार यांच्या शिरपेचात आणखी एक मानाचा तुरा रोवला गेला आहे.

राष्ट्रपती भवनात आयोजित एका दिमाखदार सोहळ्यात राष्ट्रपती द्रौपदी मुर्मू यांच्या हस्ते संजयकुमार यांना हा पुरस्कार प्रदान करण्यात आला. या पुरस्कारासाठी महाराष्ट्र, तमिळनाडू, गोवा, केरळ यासह दक्षिण भारतातून संजयकुमार हे एकमेव प्रतिनिधी म्हणून निवडले गेले आहेत.

युवा संघटक, विचारवंत आणि पत्रकार असलेल्या संजयकुमार बिराजदार यांनी नेहरू युवा केंद्र, राष्ट्रीय सेवा योजना यासह अनेक स्वयंसेवी संस्थांमध्ये सक्रिय सहभाग घेऊन युवा सबलीकरणाच्या कार्यात महत्त्वपूर्ण योगदान दिले आहे. यापूर्वी, त्यांची प्रतिष्ठित कॉमनवेल्थ यूथ क्लायमेट चेंज नेटवर्क इंडियाच्या ‘युथ लीडर’पदी नियुक्ती झाली होती.

मूळचे विजापूर जिल्ह्यातील तेलगीयळ गावचे रहिवासी असलेले संजयकुमार बिराजदार यांनी राष्ट्रीय स्तरावर आपली सामाजिक सेवा सिद्ध केली आहे.

पुरस्कार मिळाल्यावर आपला आनंद व्यक्त करताना संजयकुमार म्हणाले, “मी एन.एस.एस. च्या उपक्रमांमध्ये सक्रियपणे सहभागी झालो असल्याचा मला अभिमान आहे. या कार्यासाठी माझी निवड झाली, याचा मला खूप आनंद आहे. या पुरस्काराने माझी जबाबदारी अधिक वाढवली आहे.” अशी प्रतिक्रिया त्यांनी व्यक्त केली आहे.