पश्‍चिम घाट आणि बेळगाव परिसरात सुरू असलेल्या संततधार पावसामुळे घटप्रभा नदीला पूर आला आहे. नदीत ६५,००० क्युसेक पाणी येत असल्यामुळे बागलकोट जिल्ह्यातील मुधोळ तालुक्यात पूरस्थिती निर्माण झाली आहे.

या पुरामुळे माचकनूर गावातील होळे बसवेश्वर मंदिर पूर्णपणे पाण्याखाली गेले आहे. मंदिरामध्ये सुमारे तीन फूट पाणी जमा झाले असून, शिवलिंग आणि नंदीची मूर्ती पूर्णपणे पाण्यात बुडाली आहे. नदीतील पाण्याचा प्रवाह वाढल्यामुळे मुधोळ तालुक्यातील घटप्रभा नदीच्या काठावरील गावांमध्ये पूरस्थितीचे संकट उभे राहिले आहे. याआधीच, तालुक्यातील १२ पूल पाण्याखाली गेले आहेत.