यशवंतपूर एपीएमसी (APMC) मार्केटमध्ये बालमजुरीची पद्धत तात्काळ थांबवण्याचे कठोर आदेश मुख्यमंत्री डी. के. शिवकुमार यांनी दिले आहेत. लहान मुलांकडून काम करून घेणाऱ्यांवर तात्काळ गुन्हे दाखल करून त्यांना अटक करण्याच्या स्पष्ट सूचना त्यांनी जिल्हाधिकारी आणि पोलिसांना दिल्या आहेत.

यशवंतपूर एपीएमसी मार्केटला मंगळवारी अचानक भेट देऊन पाहणी केल्यानंतर मुख्यमंत्री पत्रकारांशी बोलत होते. राज्यातील इतर एपीएमसी मार्केटमध्येही मंत्र्यांनी प्रत्यक्ष भेट देऊन तेथील तक्रारी आणि अडचणी सोडवाव्यात, असे त्यांनी सांगितले. एपीएमसी मार्केट हे शेतकरी आणि व्यापाऱ्यांना जोडणारे महत्त्वाचे माध्यम असल्याचे त्यांनी नमूद केले.

भेटीदरम्यान मुख्यमंत्र्यांनी शेतकरी, व्यापारी, हमाल आणि महिला मजुरांशी थेट संवाद साधून त्यांच्या समस्या जाणून घेतल्या. दलाल व व्यापाऱ्यांकडून आकारल्या जाणाऱ्या कमिशनची आणि मूलभूत सुविधांची चौकशी केली जाईल, असे त्यांनी स्पष्ट केले. तसेच मार्केटच्या स्थानांतरणाबाबत आणि पार्किंग व्यवस्थेबाबत योग्य निर्णय घेतला जाईल, असे आश्वासन त्यांनी दिले.