धारवाड तालुक्यातील सत्तूर येथील सरकारी वरिष्ठ प्राथमिक शाळेत ८० वा स्वातंत्र्यदिन अत्यंत उत्साहात आणि देशभक्तीच्या वातावरणात साजरा करण्यात आला.

शाळेच्या आवारात आयोजित सोहळ्यात भाजप ग्रामीण भागातील नेते मंजुनाथ मक्कळगेरी यांच्या हस्ते अधिकृत ध्वजारोहण पार पडले.

ध्वजारोहणानंतर उपस्थितांना संबोधित करताना मंजुनाथ मक्कळगेरी म्हणाले की, “भारताच्या स्वातंत्र्यसंग्रामात महान क्रांतिकारकांनी दिलेल्या त्यागाचे आणि बलिदानाचे स्मरण आजच्या युवा पिढीने नेहमी ठेवले पाहिजे. सर्वांनी देशप्रेम अंगी बाळगून भारताला पुन्हा एकदा विश्वगुरू बनवण्यासाठी प्रयत्न केले पाहिजेत. देशाने आपल्याला काय दिले यापेक्षा आपण देशासाठी काय योगदान देतो, याचे आत्मपरीक्षण प्रत्येकाने केले पाहिजे.”

या प्रसंगी शाळेचे मुख्याध्यापक रमेश कांबळे, स्थानिक मान्यवर मल्लय्या हिरेमठ, , चन्नबसप्पा करडेण्णवर यांच्यासह शिक्षक वृंद, विद्यार्थी आणि ग्रामस्थ मोठ्या संख्येने उपस्थित होते.