महाराष्ट्रातील कोयना धरणातून सुमारे ६ हजार क्युसेक पाण्याचा विसर्ग करण्यात आला असून, यामुळे बेळगाव जिल्ह्यातील चिक्कोडी आणि निपाणी तालुक्यातील कृष्णा, दूधगंगा आणि वेदगंगा नद्यांच्या पाणी पातळीत आणखी वाढ होण्याची शक्यता निर्माण झाली आहे.

सध्या कल्लोळजवळ कृष्णा नदीत सुमारे ९० हजार क्युसेक पाण्याचा प्रवाह सुरू आहे. महाराष्ट्रातील पाणलोट क्षेत्रात पावसाचा जोर कायम असल्याने नद्यांच्या पाणी पातळीत सातत्याने वाढ होत आहे.

नद्यांमधील पाण्याचा प्रवाह वाढत असल्याने चिक्कोडी आणि निपाणी तालुक्यातील नदीवरील खालच्या पातळीवरील महत्त्वाचे पूल पूर्णपणे पाण्याखाली गेले आहेत. त्यामुळे अनेक गावांचा थेट रस्ता संपर्क खंडित झाला असून, वाहनधारक आणि नागरिकांना पर्यायी मार्गांचा वापर करण्याची परिस्थिती निर्माण झाली आहे.