काँग्रेस नेते बी. के. हरिप्रसाद यांच्या आरएसएस संदर्भातील विधानाचा माजी मुख्यमंत्री बसवराज बोम्मई यांनी धारवाड येथे समाचार घेतला. काँग्रेसची भूमिका नेहमीच आरएसएस विरोधी राहिली असून त्यांच्याकडून चांगल्या अपेक्षा ठेवता येत नाहीत, असे ते म्हणाले.

महापालिका निवडणूक पुढे ढकलण्याच्या मुद्द्यावरून त्यांनी सरकारला धारेवर धरले. सर्वोच्च न्यायालयाने मुदत स्पष्ट केल्यानंतरही निवडणूक पुढे ढकलण्याचा प्रयत्न करणे म्हणजे सरकारची भीती दर्शवते. बेंगळुरूमध्ये कंत्राटदारांची जुनी बिले न दिल्याने नवीन कामे होत नसून, जुन्या घरांकडून पैसे वसूल करून खात्यांचे वाटप करण्याचे धंदे सुरू असल्याचा आरोप त्यांनी केला.

बी. के. हरिप्रसाद यांच्या विधानाला उत्तर देताना बोम्मई म्हणाले की, इंदिरा गांधींनाही या संघटनेवर नियंत्रण मिळवता आले नाही. सिद्धरामय्या यांच्या सरकारच्या काळात हत्या करणाऱ्यांचा शोध सरकारला लावता आला नाही. हे लोग धर्मनिरपेक्षतेचा वापर केवळ मतांच्या राजकारणासाठी करत असल्याची टीका त्यांनी केली.

राज्यातील दुष्काळी परिस्थितीबाबत बोलताना त्यांनी भाजपच्या वरिष्ठ नेत्यांचे जिल्हावार दौरे सुरू असल्याचे सांगितले. केंद्रीय मंत्री प्रल्हाद जोशी यांच्यासह आपण स्वतः हावेरी, धारवाड आणि बेळगाव जिल्ह्यांचा दौरा करणार असून, जनतेला न्याय मिळवून देण्यासाठी भाजप कटिबद्ध असल्याचे माजी मुख्यमंत्री बसवराज बोम्मई यांनी स्पष्ट केले.