मुस्लिम समुदायाचे १२ आमदार पक्षात असून त्यांनी पाच मंत्रिपदांची मागणी करण्यात काहीही गैर नाही, असे विधान परिषद सदस्य एफ. एच. जक्कप्पनवर यांनी केले आहे. धारवाडमधील नवलगुंद येथे आयोजित एका कार्यशाळेत भाग घेतल्यानंतर त्यांनी पत्रकारांशी संवाद साधला.

अल्पसंख्याक मुस्लिम समुदाय नेहमीच पक्षाच्या पाठीशी राहिला असून मंत्रिमंडळात त्यांना प्राधान्य देण्यास हायकमांड कटिबद्ध आहे, असे एफ. एच. जक्कप्पनवर यांनी म्हटले आहे.

मंत्रिमंडळ विस्ताराच्या दुसऱ्या यादीत स्थान मिळवण्यासाठी सुरू असलेल्या स्पर्धेवर बोलताना त्यांनी ही स्पर्धा स्वाभाविक असल्याचे सांगितले. कल्याण कर्नाटकमधून पक्षाचे ३७ आमदार निवडून आले असून सर्वच जण मंत्रिपदासाठी इच्छुक आहेत. मात्र, यावरून रस्त्यावर वाद न घालता नेत्यांनी हायकमांडकडे आपली मते मांडावीत. एच. के. पाटील, शिवानंद यांसारख्या ज्येष्ठ नेत्यांनाही प्राधान्य द्यावे लागणार असून हायकमांड सर्व बाजूंचा विचार करून योग्य निर्णय घेईल, अशी प्रतिक्रिया परिषद सदस्य एफ. एच. जक्कप्पनवर यांनी दिली.