बागलकोट जिल्ह्यातील मुधोळ शहरात बेकायदेशीरपणे साठवून ठेवलेला रेशनचा तांदूळ जप्त करण्यासाठी तहसीलदारांच्या नेतृत्वाखालील पथकाने धाडसी कारवाई केली आहे. मिळालेल्या गुप्त माहितीच्या आधारे हा छापा टाकण्यात आला.

मुधोळ शहरातील बसस्थानकाजवळ असलेल्या एका बंद शेडमध्ये रेशनच्या तांदळाचा बेकायदेशीर साठा केला जात असल्याची खात्रीश्वर माहिती प्रशासनाला मिळाली होती. त्यानुसार मुधोळचे तहसीलदार चिन्नाप्पा नाईक यांच्या नेतृत्वाखालील पथकाने तात्काळ त्या ठिकाणी छापा टाकला. या कारवाईत ११४ पोत्यांमध्ये भरलेला सुमारे ५५ ते ६० क्विंटल रेशनचा तांदूळ जप्त करण्यात आला आहे. या प्रकरणी मुधोळ पोलीस ठाण्यात रीतसर तक्रार नोंदवण्यात आली असून, हा बेकायदेशीर साठा कोणाचा होता, याचा तपास पोलीस करत आहेत.