उन्हाळ्यामुळे पिण्याच्या पाण्याचा प्रश्न गंभीर झाला असून जिल्ह्यातील तलाव तात्काळ पाण्याने भरावेत, या मागणीसाठी अखंड कर्नाटक शेतकरी संघटनेने जिल्हाधिकाऱ्यांमार्फत प्रादेशिक आयुक्तांना निवेदन दिले.

आलमट्टी धरणातून पाणी सोडून सर्व तलाव भरले जावेत, अशी मागणी संघटनेने केली आहे. उन्हाळा तीव्र असल्याने नागरिकांना आणि जनावरांना पाणी मिळेनासे झाले आहे. यापूर्वी अनेकदा मागणी करूनही कृष्णा जल निगमच्या अधिकाऱ्यांनी याकडे दुर्लक्ष केले आहे. जर दोन दिवसांत पाणी सोडले नाही, तर उग्र आंदोलन केले जाईल, असा इशारा अखंड कर्नाटक शेतकरी संघटनेचे राज्य सचिव अरविंद कुलकर्णी यांनी दिला आहे.