हिंदू-मुस्लिम एकतेचे प्रतीक आणि त्याग-बलिदानाचा सण म्हणून ओळखला जाणारा मोहरम उत्सव धारवाड जिल्ह्यातील हुबळी तालुक्यातील गामनगट्टी गावात मोठ्या उत्साहात साजरा करण्यात आला.

गामनगट्टी गावात हिंदू आणि मुस्लिमांनी पाच दिवसांपूर्वी मोहरम देवतांची अत्यंत भक्तीभावाने प्रतिष्ठापना केली होती. रविवारी, उत्सवाच्या शेवटच्या दिवशी, हिंदू आणि मुस्लिम मोठ्या संख्येने एकत्र जमून देवतांची भव्य मिरवणूक काढली. कोणत्याही जाती-धर्माचा भेद नाही हे गामनगट्टी गावातील मोहरम उत्सवाने सिद्ध केले.

शेकडो वर्षांपासून येथील सर्वजण एकत्र येऊन मोहरम सण साजरा करत आहेत आणि आजही गावातील ज्येष्ठ तसेच तरुण पिढी ही परंपरा पुढे नेत आहे, हे येथील सणांचे आणि उत्सवांचे वैशिष्ट्य आहे.. गेल्या काही दिवसांपासून दर्ग्यात पंज्यांची पूजा केली जात होती. मूर्ती प्रतिष्ठापनेच्या दिवसापासून पाच दिवस हिंदू आणि मुस्लिम फकीर बनतात. चौथ्या दिवसाच्या शेवटच्या संध्याकाळी काही हिंदू धर्मातील नागरिक विशेष पक्वान्न बनवून फकीरांना जेऊ घालतात, ही मोहरम ची एक विशेष परंपरा आहे. पाचव्या दिवशी, देवतांच्या मूर्ती गावांतील प्रमुख रस्त्यांवरून फिरवून प्रदक्षिणा घालतात. पाचव्या दिवशी जेव्हा मूर्तींची मिरवणूक काढली जाते, तेव्हा मिरवणुकीत सहभागी झालेल्या सर्व भक्तांना मुस्लिम बांधव सरबत वाटले जाते. मिरवणुकीदरम्यान, देवतांच्या मूर्तींच्या पुढे विविध मजलिस म्हणजेच विविध कला प्रकार सादर केले जातात, हे येथील मोहरमचे वैशिष्ट्य आहे.