आपल्या वर्गातील मुलांच्या शिक्षणासाठी शिक्षकांनी परिश्रम घेतल्यास त्यांना पुरस्कार मिळतील, असे हुक्केरीच्या शिक्षणाधिकारी प्रभावती पाटील यांनी सांगितले.

बेळगाव जिल्ह्यातून राज्यस्तरावर उत्कृष्ट शिक्षक पुरस्कार प्राप्त शिक्षक प्रताप जोडट्टी यांचा त्यांनी गौरव केला, यावेळी बोलतांना त्यांनी सांगितले कि , शिक्षकांनी आपल्या पेशाचा आदर राखून आपल्या वर्गातील मुलांच्या हृदयापर्यंत पोचून त्यांच्या शिक्षणासाठी कठोर परिश्रम करावेत, अशा शुभेच्छा दिल्या.

सत्कार स्वीकारणारे प्रताप जोडट्टी म्हणाले की, बेळगाव जिल्ह्यातील एका छोट्याशा गावात झोपडीत सुरू झालेल्या शाळेला आज उच्च तंत्रज्ञानाचा टच आहे.
यावेळी क्षेत्र संसाधन अधिकारी एएस पद्मन्नवर, आर आर गस्ती, व्ही डी बडिगेर, सुनिल जयकर, प्रितम निडसोशी , चंद्रशेखर पुजेरी, श्रीधर चौगला, बसनगौडा पाटील उपस्थित होते.