कोलार येथे आयोजित सातत्यपूर्ण वैद्यकीय शिक्षण (CME) कार्यक्रमात केएलई विद्यापीठाचे प्राध्यापक डॉ. महांतेश बी. रामण्णावर यांना “देहदानाचे महत्त्व” या विषयावर प्रमुख वक्ता म्हणून आमंत्रित करण्यात आले आहे.

बेळगाव येथील केएलई अकादमी ऑफ हायर एज्युकेशन अँड रिसर्चमधील रचना शरीर विभागाचे प्रमुख आणि डॉ. रमण्णावर चॅरिटेबल ट्रस्टचे सचिव डॉ. महांतेश बी. रामण्णावर यांना, कोलार येथील श्री देवराज अर्स वैद्यकीय महाविद्यालयात होणाऱ्या सतत वैद्यकीय शिक्षण कार्यक्रमात व्याख्यानासाठी आमंत्रित करण्यात आले आहे. या कार्यक्रमाचे आयोजन २८ एप्रिल २०२५ रोजी, दिवंगत आर. एल. जलप्पा यांच्या जन्मशताब्दीच्या निमित्ताने करण्यात आले असून, देहदान विषयक जनजागृती आणि त्याचे वैद्यकीय क्षेत्रातील महत्त्व या विषयावर डॉ. रामण्णावर आपले विचार मांडणार आहेत. ते आपल्या व्याख्यानात देहदान आणि अवयवदानासंबंधित असलेल्या सामाजिक गैरसमज, धार्मिक श्रद्धा आणि माहितीच्या अभावामुळे समाजात असलेली अनास्था यावर प्रकाश टाकणार आहेत.