विजयपुर शहरातील जैनापुर आर. सी. येथील दरोडे घालणाऱ्या गँगवर पोलिसांनी केलेल्या गोळीबारात एकजण जखमी झाला असून, त्याला हॉस्पिटलमध्ये दाखल करण्यात आले आहे. गुरुवारच्या दिवशी, संतोष कन्नाळ नावाच्या व्यक्तीच्या घरात घुसून चोरांनी त्याच्यावर चाकूने वार करून त्याला पहिल्या मजल्यावरून खाली ढकलले. तसेच, त्यांच्या पत्नीचे गंठण चोरून ते फरार झाले. जखमी संतोष कन्नाळ यांना विजयपुर जिल्हा रुग्णालयात दाखल करण्यात आले आहे .

या प्रकरणाला गांभीर्याने घेत विजयपुर पोलिस अधीक्षक लक्ष्मण निंबरगी यांनी तपासासाठी विशेष पथके तयार केली होती. ही एक आंतरराज्य चोरांची टोळी असल्याची खात्रीलायक माहिती मिळाल्यानंतर पोलिसांनी या गँगला पकडण्यासाठी छापे मारले. रात्री उशिरा पोलिसांना मिळालेल्या माहितीनुसार, काही चोर टोल प्लाझा नजीक मोटारसायकलवरून जात होते. पोलिस पोहचताच, चोरांनी मोटारसायकल सोडून पळून जाण्याचा प्रयत्न केला . सीपीआय मल्लैया मठपती आणि पीएसआय घोरी यांनी गोळीबार केला, तरीही चोरांची टोळी पळून गेले.

तथापि, पोलिसांना एक चोर जमीनीवर पडलेला सापडला. तो मध्यप्रदेशमधील असल्याची माहिती मिळाली आहे. इतर चार चोर फरार झाले आहेत. गोळीबारात जखमी झालेल्या चोराला विजयपुर जिल्हा रुग्णालयात उपचार दिले जात आहेत. पोलिसांचा तपास पुढे सुरू आहे. गोळीबाराची माहिती मिळताच , जिल्हा रुग्णालयाला एसपी लक्ष्मण निंबरगी यांनी भेट दिली. यावेळी, त्यांनी सांगितले की, त्या चोरावर ५ राऊंड गोळीबार करण्यात आला आहे. त्याच्या पायाला तीन गोळ्या लागल्या आहेत आणि एक्स-रे करण्यात येणार आहे.

म्हणजेच, चोरांच्या गँगशी संबंधित आतापर्यंत तीन प्रकरणे नोंदवली गेली आहेत. त्यामुळे, पोलिसांनी त्या चोरांना पकडण्यासाठी पथके तयार केली आहेत. गोळीबार क्राऊन चोराला पकडणारे सीपीआय मल्लैया मठपती आणि पोलिसांची कार्यवाही उत्कृष्ट आहे. महेश असे पकडलेल्या दरोडेखोरांचे नाव असून तो मध्यप्रदेशमधील आहे. इतर चोरांच्या शोधासाठी कारवाई सुरू आहे, अशी माहिती पोलिसांनी दिली. एसपी लक्ष्मण निंबरगी यांनी “आम्ही त्या चोरांचा शोध घेत आहोत आणि गँगच्या इतर सदस्यांना पकडण्यासाठी पथके तयार केली आहेत.” असे सांगितले .