कर्नाटक सरकारने कॅबिनेट बैठकीमध्ये बस भाड्यात वाढ केली आहे. मात्र यामुळे सर्वसामान्य नागरिकांतून नाराजी व्यक्त होत आहे. एका हाताने फ्री देऊन दुसऱ्या हाताने हिरावून घेतल्याचा आरोप लोक करत आहेत.

काल मुख्यमंत्री सिद्धरामय्या यांच्या अध्यक्षतेखाली झालेल्या मंत्रिमंडळाच्या बैठकीत सरकारने बसच्या तिकीट भाड्यात १५ टक्के वाढ करण्यास मान्यता दिली आहे. मात्र, सरकारच्या या निर्णयाविरोधात कर्नाटकातील जनतेने नाराजी व्यक्त केली. यापूर्वी झालेल्या दरवाढीमुळे सर्वसामान्यांवर बोजा पडला आहे. अशावेळी जनतेच्या हिताची वाट न पाहता सरकारने भाववाढ करून जनतेच्या जखमेवर मीठ चोळले आहे . खऱ्या गरिबांना हमी योजना उपलब्ध नाहीत. दरवाढ कमी करून सर्वसामान्यांना मदत करायची आहे.

आता सरकार एकीकडे शक्ती योजनेंतर्गत महिलांना मोफत बस प्रवास देत आहे आणि दुसरीकडे तिकीट दरात वाढ करत आहे. शेतकऱ्यांसाठी आधीच खताच्या किमती वाढवणाऱ्या सरकारने बसच्या तिकीट दरातही वाढ करून अन्याय केल्याचे गोरगरीब जनता सांगत आहे.

महिलांना मोफत बससेवा देऊन सरकारने एकीकडे पुरूषांच्या तिकिटांच्या दरात वाढ केल्याने नागरिकांतून नाराजी व्यक्त होत असल्याचेही वास्तव आहे.