विजयपुर जिल्ह्यातील मुद्देबिहाल तालुक्यातील हदलगेरी गावात शेतातील पाण्याने भरलेल्या खोल खड्ड्यात पडून तीन जणांचा मृत्यू झाला.

हदलगेरी गावातील चिन्नाप्पा तलवार यांच्या जमिनीतील खोल खड्ड्यात पडून नीलम्मा खिलारहट्टी (१६), मुत्तप्पा खिलारहट्टी (२४) आणि शिवू यलवार (२५) यांचा मृत्यू झाला. म्हशी चारण्यासाठी शेतात गेलेली नीलम्मा ही तरुणी म्हशीला पाणी देण्यासाठी पाण्याने भरलेल्या विहिरीजवळ आली असता घसरून पडली. हे पाहून तिच्या बचावासाठी आलेला तिचा नातेवाईक मुत्तप्पा खिलारहट्टी हाही पाण्यात पडला. शिवा त्यांना वाचवण्यासाठी आल्यानंतर तो देखील बुडाला . मुद्देबिहाळ पोलीस आणि अग्निशमन दलाने घटनास्थळी पोहोचून तिघांचे मृतदेह बाहेर काढले. मुद्देबिहाळ पोलीस ठाण्याच्या हद्दीत ही घटना घडली. या ठिकाणी मृतांच्या नातेवाईकांचा आक्रोश शिगेला पोहोचला आहे.