अपंग असूनही जिद्दीने जीवन जगणाऱ्या हुशार विद्यार्थ्याला तीनचाकी स्वयंचलित तिचाकी देण्याचे आश्वासन धारवाड जिल्ह्याचे पालकमंत्री संतोष लाड यांनी दिले आहे. इतकेच नव्हे तर त्यासाठी २५ हजार रुपयांची मदतही त्यांनी दिली आहे.

मूळचा बेळगाव जिल्ह्यातील कित्तूर तालुक्यातील हुशार विद्यार्थी, सिद्धप्पा नावाचा हा तरुण रात्री त्याच्या मित्रांसह मंत्री संतोष लाड यांच्या घरी गेला आणि मदत मागितली. तरुणांचे हाल ऐकून संतोष लाड यांनी स्वयंचलित तिचाकी देण्याचे आश्वासन दिले.

कर्नाटक विद्यापीठात सध्या पदव्युत्तर पदवीच्या अंतिम वर्षात शिकत असलेल्या या दिव्यांग तरुणाला मंत्री संतोष लाड यांनी त्यांच्या संतोष लाड फाऊंडेशनचे अध्यक्ष आनंद कलाल यांना फोन करून या तरुणासाठी तीनचाकी आणि २५ हजार रुपयांची आर्थिक मदत देण्यास सांगितले. मंत्री लाड यांनी सिद्दप्पाशी हास्यविनोद करत संवाद साधून ही मदत दिली. त्यावेळी सिद्दप्पाच्या व त्यांच्या मित्रांच्या आनंदाला पारावार उरला नाही.