सानेहळ्ळी स्वामीजींनी गणेशासंदर्भात केलेल्या विधानाबाबत खेद व्यक्त करीत धारवाड येथील एका कलाकाराने त्यांना गणेशमूर्ती पाठवली आहे. एक छोटी गणेशमूर्ती आणि पत्रासह कुरियरने पाठवले.

धारवाडच्या केळगेरी गायत्रीपूर येथील पर्यावरणस्नेही कलाकार मंजुनाथ हिरेमठ यांच्यासह त्यांच्या मित्रांनी स्वामीजींना गणेशमूर्ती व पत्र पाठवले आहे. दरवर्षी पर्यावरणपूरक गणेशमूर्ती कलाकार मंजुनाथ बनवतात.

या मूर्तीकारांनी श्री गणेशाबाबतच्या स्वामीजींच्या विधानावर नाराजी व्यक्त करणारे पत्र पाठवले आहे. त्यात, आम्ही मूर्तीकार, आम्हाला गणपतीच्या मातीतच अन्न मिळते, आम्ही गणेशाप्रमाणेच वचनांचाही आदर करतो. आम्हाला दोघांचीही गरज आहे. पण तुम्ही गणेशाबद्दल जे बोललात ते बरोबर नाही. तुमच्या वक्तव्याने आम्ही दुखावलो आहोत असे मूर्तीकार मंजुनाथ यांनी पत्र लिहून म्हटले आहे.