हुबळीजवळील क्यारकोप्प पुलाजवळ शनिवारी रात्री उशिरा एका ट्रकची भरधाव वेगाने जाणाऱ्या कारला धडक बसून तीन जण जागीच ठार तर एकजण गंभीर जखमी झाला.
अपघातग्रस्त कारमधील चौघेजण मूळचे बेळगावहून आपल्या मूळ गावी परतत असताना हा भीषण अपघात घडल्याचे सांगण्यात येत आहे. या अपघातात दोघांचा जागीच मृत्यू झाला, तर एकाचा रुग्णालयात नेत असताना वाटेतच मृत्यू झाला. गंभीर जखमी झालेल्या एकाला किम्स इस्पितळ येथे उपचारासाठी दाखल करण्यात आले असून त्याची प्रकृती चिंताजनक असल्याची माहिती आहे. या माहितीवरून पोलिसांनी पुढील कार्यवाही सुरु केली आहे.