रायबाग तालुक्यातील कोळिगुड्ड गावाच्या वेशीवर कार आणि बाईकचा भीषण रस्ते अपघात झाला असून, यात दोन जण गंभीर जखमी झाले आहेत.

अथणी-गोकाक मुख्य रस्त्यावर कोळिगुड्ड गावाजवळ हा अपघात घडला. अपघातात गंभीर जखमी झालेले बाईकस्वार हारूगेरी येथील रहिवाशी आहेत.

अपघातानंतर रस्त्यावर रक्ताच्या थारोळ्यात पडलेल्या दोघा बाईकस्वारांना तातडीने उपचारासाठी रुग्णालयात हलवण्यात आले आहे. यात कार चालकाचा निष्काळजीपणा स्पष्टपणे दिसून येत आहे.

ही दुर्घटना हारूगेरी पोलीस ठाण्याच्या हद्दीत घडली असून, या प्रकरणी पोलिसांनी घटनेची नोंद केली आहे.