कर्नाटक श्रमिक पत्रकार संघाच्या वतीने 9, 10 आणि 11 जून 2023 या काळात बेळगाव शहरात आंतरराष्ट्रीय पत्रकार परिषद 2023 आयोजित करण्यात येणार आहे, अशी माहिती बेळगाव जिल्ह्याच्या कर्नाटक श्रमिक पत्रकार संघाचे जिल्हाध्यक्ष दिलीप कुरुंदवाडे यांनी दिली.

बेळगावातील रेड्डी भवन येथे कर्नाटक श्रमिक पत्रकार संघाच्या जिल्हा कार्यकारिणीची बैठक आज पार पडली. यावेळी जून महिन्यात होणारी पत्रकारांची आंतरराष्ट्रीय परिषद यशस्वी करण्यासाठी विविध समित्यांची स्थापना करण्यात आली.
यावेळी व्यासपीठावर कर्नाटक श्रमिक पत्रकार संघाचे राज्य उपाध्यक्ष पुंडलीक बालोजी, जिल्हा उपाध्यक्ष राजशेखर पाटील, यल्लाप्पा तळवार, सरचिटणीस अरुण पाटील, मंजुनाथ पाटील, नौशाद बिजापुरे, चेतन होलेप्पगोळ, मल्लिकार्जुन गोंडी आदी उपस्थित होते.

9, 10, 11 जून रोजी होणाऱ्या आंतरराष्ट्रीय पत्रकार परिषदेत मुख्यमंत्री सिद्धरामय्या, केंद्रीय मंत्री प्रल्हाद जोशी, पत्रकार, उद्योगपती आणि देश-विदेशातील पत्रकार उपस्थित राहणार आहेत, ही परिषद यशस्वी करण्यासाठी सूचना आणि मार्गदर्शक तत्त्वे तयार करण्यात आली आहेत असे दिलीप कुरुंदवाडे यांनी सांगितले.
राज्य उपाध्यक्ष पुंडलीक बालोजी म्हणाले की, संमेलन यशस्वीपणे पार पाडण्यासाठी सर्वांचे सहकार्य आवश्यक असून कोणत्याही अडथळ्यांशिवाय प्रयत्नशील राहावे.
तालुका, जिल्हा व राज्यस्तरीय परिषदा घेण्याच्या संदर्भात दिलीप कुरुंदवाडे व पुंडलीक बालोजी यांच्या विशेष प्रयत्नामुळे आंतरराष्ट्रीय परिषदेचे आयोजन केल्याने आमची ताकद वाढल्याचे बेळगावचे जिल्हा उपाध्यक्ष राजशेखर पाटील यांनी सांगितले.
यावेळी श्रमिक पत्रकार संघाच्या जिल्हा शाखेचे कार्यकारिणी सदस्य उपस्थित होते.