मुडलगी पोलिसांनी नागनूर येथे भरविण्यात आलेल्या जुगारी अड्ड्यावर छापा टाकून जुगारात लावलेले तब्बल 54600 रुपये जप्त केले. या संदर्भात 6 जुगाऱ्यांच्या पोलिसांनी मुसक्या आवळल्या आहेत.

नागनूर येथे जुगारी अड्डा भरविण्यात आल्याची पक्की खबर मिळाल्यावरून मुडलगी पोलिसांनी छापा टाकला. यावेळी 6 जुगाऱ्यांना अटक करून जुगारात लावलेले 54600 रुपये जप्त केले. या प्रकरणी मुडलगी पोलीस स्थानकात कर्नाटक पोलीस कायद्याअंतर्गत गुन्हा दाखल करून आरोपींना न्यायालयासमोर हजर करण्यात आले. दरम्यान, पोलिसांच्या या धडक कारवाईने नागनूर परिसरात खळबळ माजली आहे.