प्रत्येक महिलेने स्वसहाय संस्थेचे सदस्य होऊन आर्थिक साक्षर आणि स्वावलंबन शिकले पाहिजे, असे आवाहन खानापूर तालुका पंचायत कार्यकारी अधिकारी वीरणगौडा एगनगौडर यांनी केले.

तालुक्यातील लोंढा गावात ग्रामपंचायत, महिला व बालकल्याण विभाग, संजीवनी ग्रामस्तरीय महिला संघ, कौशल्य विकास, उद्योजकता व उपजीविका विभाग यांच्या संयुक्त विद्यमाने आयोजित आंतरराष्ट्रीय महिला हिंसाचार निर्मूलन दिनाचे उद्घाटन करून बोलताना एगनगौडर म्हणाले की, महिलांची केवळ त्यांच्या घरातील कामांपुरते मर्यादित न राहता त्यांच्या सभोवतालच्या इतर महिलांना संघटित करून स्वयंरोजगार प्रशिक्षण व शासनाकडून दिले जाणारे अनुदान मिळून स्वयंपूर्ण व्हावे, असे आवाहन त्यांनी केले.
कार्यक्रमाचा एक भाग म्हणून गावातील मुख्य रस्त्यांवर जनजागृती पदयात्रा काढण्यात आली आणि शासकीय प्राथमिक शाळा परिसर, लिंग आधारित हिंसाचार प्रतिबंध अभियान, विशेष महिला ग्रामसभा आणि बचत गटांच्या महिलांसाठी विविध स्पर्धा घेण्यात आल्या.

यावेळी कौशल्य व आर्थिक समावेशन विभागाचे जिल्हा व्यवस्थापक किरण शिंदे, जिल्हा पंचायत अधिकारी बाळनगौडा पाटील, ए.एस.आय. एस. एम. मुतगी, वैद्यकीय अधिकारी डॉ. सुशीलकुमार, संसाधन व्यक्ती संजीव निडवनी, सलोना ओरिया, वीरभद्रगौडा होळीयाचे, विजय बडिगेर शिक्षक, विद्यार्थी आणि ग्रामस्थ उपस्थित होते.

कार्यक्रमाच्या अध्यक्षस्थानी लोंढा ग्रापं अध्यक्षा शेवरिन डियाज होत्या. सूत्रसंचालन पीडीओ बलराज भजंत्री यांनी केले. विद्या भुतकी यांनी स्वागत केले. महंतेश तुरमुरी यांनी आभार मानले.