विजापूर जिल्ह्यातील कोल्हार तालुक्यात कुडगी औष्णिक वीज प्रकल्पाजवळ हाय व्होल्टेज वीज टॉवरवर एका व्यक्तीचा मृतदेह लटकलेल्या अवस्थेत आढळला.

मृत व्यक्तीची ओळख अद्याप पटलेली नाही. टॉवरवर मृतदेह दिसताच स्थानिकांनी पोलिसांना माहिती दिली. घटनास्थळी दाखल झालेल्या बासवनबागेवाडी अग्निशमन दलाच्या जवानांनी मृतदेह खाली उतरवला. या प्रकरणाची नोंद कुडगी पोलीस ठाण्यात करण्यात आली आहे.