नवरोत्सवाच्या उत्साहासाठी विजापूर शहर पूर्णपणे सज्ज झाले असून देवीच्या आराधनेसोबतच दांडिया आणि गरबा नृत्याची धूम पाहायला मिळत आहे. शहरातील शेकडो महिला आधीपासूनच दांडिया शिकण्यात व्यस्त असून हा उत्साह द्विगुणीत करण्यासाठी १८ ऑक्टोबर रोजी खास कार्यक्रमाचे आयोजन करण्यात आले आहे.

नवरोत्सव म्हणजे भक्ती, शक्ती आणि संस्कृतीचा अनोखा संगम मानला जातो. मूळ गुजरातचा असलेला दांडिया आणि गरबा नृत्य आज देशभरात नवरोत्सवाचे मुख्य आकर्षण ठरत आहे. तिकडे विजापुरातही महिलांचा दांडिया नृत्याकडे कल वाढला असून अनेक ठिकाणी महिला उत्साहाने नृत्याचा सराव करत आहेत. लयबद्ध पावले, पारंपरिक पोशाख आणि संगीताच्या तालावर रंगणारा हा सराव सणाचा आनंद वाढवत आहे. बालाजी शिक्षण संस्था आणि बालाजी डेव्हलपर्सचे कार्तिक चव्हाण यांच्या नेतृत्वाखाली १८ ऑक्टोबर रोजी शहरातील राजराजेश्वरी मंगल कार्यालयात विशेष दांडिया कार्यक्रमाचे आयोजन करण्यात आले आहे.

या दांडिया कार्यक्रमात प्रसिद्ध महिला डीजे चकोली सहभागी होणार असून उत्तम लाईटिंग आणि डीजे साऊंडची व्यवस्था करण्यात आली आहे. यासोबतच उपस्थितांसाठी स्वादिष्ट खाद्यपदार्थांची मेजवानी देखील उपलब्ध असणार आहे. सनातन धर्माची परंपरा आणि संस्कृती जपून पुढील पिढीला त्याचे महत्त्व पटवून देण्याच्या उद्देशाने हा कार्यक्रम आयोजित करण्यात आल्याची माहिती कार्तिक चव्हाण यांनी दिली.

एकंदरीत, नवरोत्सवाच्या आनंदासोबतच परंपरा आणि संस्कृतीची ओळख तरुण पिढीला करून देण्याचा प्रयत्न विजापुरात होत आहे. संगीत, नृत्य आणि सांस्कृतिक वैभवासह १८ ऑक्टोबर रोजी होणाऱ्या या दांडिया कार्यक्रमासाठी शहर पूर्णपणे सज्ज झाले असून उत्सवाची उल्हासित प्रतीक्षा सुरू झाली आहे.

विजयकुमार सारवाड,
इन न्यूज,
विजापूर